ग्यासको खपत र सुरक्षाका लागि आधुनिक प्रविधि र ट्रयाकिङ प्रणाली लागू गर्न समितिको निर्देशन

काठमाडौँ । संसदीय समितिले एलपीजी ग्यासको खपत, व्यवस्थापन र सुरक्षाका लागि आधुनिक प्रविधिको प्रयोग तथा प्रभावकारी ट्रयाकिङ प्रणाली लागू गर्न निर्देशन दिएको छ।

सिंहदरबारमा बिहीबार बसेको प्रतिनिधि सभाअन्तर्गत उद्योग तथा वाणिज्य र श्रम तथा उपभोक्ता हित समितिको बैठकमा सभापति रहबर अन्सारीले समितिका तर्फबाट यो निर्देशन दिएका हुन्।