रातापानीमा निरन्तर पहिरो

४ भदौ, बैतडी । बैतडीको सुर्नया गाउँपालिका–८ रातापानी टोलमा निरन्तर पहिरो झरिरहेको छ। पहिरोका कारण यहाँको बस्ती नै जोखिममा परेको छ। पहिरोकै कारण ६ परिवार विस्थापित भइसकेका छन् भने अन्य १९ घर जोखिममा छन्।

यहाँ एक सातादेखि पहिरो निरन्तर झरिरहेको स्थानीय तेज बोहराले जानकारी दिए। ‘लागातारको पहिरो गइरहेको छ । २५ घर परिवार त्रासमा छन्,’ उनले भने, ‘अहिलेसम्म ६ परिवार विस्थापित भइसकेका छन्। विस्थापित ६ परिवारले छिमेकीकोमा आश्रय लिएका छन्।