बाजुराको गौमुलमा १० शय्याको अस्पताल सञ्चालन

४ भदौ, बाजुरा । बाजुराको गौमुल गाउँपालिकाले १० शय्याको अस्पताल सञ्चालनमा ल्याएको छ । निर्माण सम्पन्न भएको करिब डेढ वर्षपछि अस्पताल सञ्चालनमा आएको हो ।

गौमुल गाउँपालिका–२ मालिवनमा निर्माण गरिएको अस्पताल २०७७ चैतमा १३ करोड ८४ लाख ९१ हजार रुपैयाँमा ठेक्का सम्झौता गरी निर्माण सुरु गरिएको थियो । पीएस रोयल जेभी धनगढीले करिब चार वर्ष लगाएर अस्पताल निर्माण सम्पन्न गरेपछि २०८१ माघमा गाउँपालिकालाई हस्तान्तरण गरेको थियो ।