एमालेलाई मुख्यमन्त्रीमा समर्थन गरेपछि राप्रपाका नेता उद्धव थापा पार्टीबाट निष्कासित

काठमाडौँ- राष्ट्रिय प्रजातन्त्र पार्टी (राप्रपा) ले बागमती प्रदेश संसदीय दलका नेता तथा सांसद उद्धव थापालाई पार्टीको साधारण सदस्यसमेत नरहने गरी कारबाही गरेको छ।

पार्टी केन्द्रको नीति र निर्देशन विपरीत बागमती प्रदेशमा नेकपा एमालेका सांसद किरण थापा मगरलाई मुख्यमन्त्री पदमा समर्थन जनाएपछि राप्रपाको केन्द्रीय कार्यसम्पादन समिति बैठकले उनीमाथि कारबाही गरेको हो। यसअघि पार्टीले सोधेको स्पष्टीकरणको जवाफ समेत थापाले बुझाएका थिएनन्।