राहदानी मुद्दामा प्रधानमन्त्रीले छलफलका लागि बोलाउनुभएको हो : अख्तियार प्रमुख राई

काठमाडौँ- अख्तियार दुरूपयोग अनुसन्धान आयोगका प्रमुख आयुक्त प्रेमकुमार राईले प्रधानमन्त्री वालेन्द्र शाह (बालेन) ले राहदानी (पासपोर्ट) सम्बन्धी विषयमा छलफल गर्नका लागि आफूहरूलाई प्रधानमन्त्री तथा मन्त्रिपरिषद् कार्यालयमा बोलाएको बताएका छन्।

बिहीबार राज्य व्यवस्था तथा सुशासन समितिको बैठकमा सांसदहरूले सिंहदरबारस्थित प्रधानमन्त्रीको सचिवालयमा अख्तियारका कर्मचारीहरूलाई नियन्त्रणमा लिएर दबाब दिइएको भन्दै प्रश्न उठाएका थिए। सांसदहरूको प्रश्नपछि प्रमुख राईले यस्तो बताएका हुन्।