सुदूरपश्चिममा मन्त्रिपरिषद् विस्तारको अन्तिम तयारी

धनगढी । सुदूरपश्चिम प्रदेशका मुख्यमन्त्री खगराज भट्टले मन्त्रिपरिषद्लाई पूर्णता दिने गृहकार्य अन्तिम चरणमा पुगेको बताएका छन् । प्रदेशसभाबाट विश्वासको मत पाइसकेपछि मुख्यमन्त्री भट्टले अबको एक–दुई दिनभित्रै मन्त्रिपरिषद्ले पूर्णता पाउने जानकारी दिए।

हाल मुख्यमन्त्री भट्टले आन्तरिक मामिला तथा कानुन, उद्योग, पर्यटन, वन तथा वातावरण र भौतिक पूर्वाधार विकास मन्त्रालय आफैँसँग राखेका छन् । नेकपा भित्र साबिक नेकपा माओवादी केन्द्र, नागरिक उन्मुक्ति पार्टी र एकीकृत समाजवादीबाट एक–एक जना मन्त्री र दुई जना राज्यमन्त्री नियुक्त गर्ने तयारी सरकारको छ।