पोखरा–नेपालगञ्ज रुटमा फेरि उडान हुने

निजी हवाई कम्पनि बुद्ध एयरले पोखरा–नेपालगञ्ज रुटमा पुन उडान सुरु गर्ने भएको छ। यात्रु संख्या कम हुँदा यो रुटमा यसअघि उडान रोकिएको थियो। सातामा तीनदिन उडान संचालन गर्ने तयारी एयरलाइन्सको रहेको छ। भदौ ३१ गतेदेखि यो रुटमा उडान संचालन गर्ने एयरलाइन्सले बताएको छ।

बुद्ध एयरका सूचना अधिकारी दीपेन्द्र कर्णका अनुसार भारतीय पर्यटकको सिजन सुरु हन थालेको र चाँडबाँड पनि नजिकिन थालेकोले यो रुटमा पुन उडान संचालन थालिएको हो। उनका अनुसार सुरुवाती चरणमा हरेक आइतबार, बुधबार र शुक्रबार यो रुटमा उडान संचालन हुनेछ। यो रुटमा गत जेठ पहिलो सातादेखि उडान रोकिएको थियो।