पासपोर्ट प्रकरणबारे अख्तियार प्रमुख- प्रधानमन्त्रीकाे दबाबले होइन, कैफियत हेरेरै मुद्दा लग्यौं

अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईले आफूहरू प्रधानमन्त्री कार्यालयमा ‘थुनिएको’ भन्ने चर्चाको खण्डन गर्दै पासपोर्ट प्रकरणमा परामर्श र छलफलका लागि मात्रै बोलाइएको प्रष्टीकरण दिएका छन्।

प्रतिनिधिसभाअन्तर्गतको राज्य व्यवस्था तथा सुशासन समितिको बैठकमा सांसदहरूले उठाएका प्रश्नको जवाफ दिँदै प्रमुख आयुक्त राईले तत्कालीन प्रधानमन्त्रीले कुनै विषयमा भइरहेको प्रगति बुझ्न र सुझाव लिन बोलाउनु स्वाभाविक प्रशासनिक प्रक्रिया भएको बताए।