वझा परिवारद्धारा १४ कठ्ठा जग्गा दान, तिलोत्तमाको आनन्दवन हेल्थपोष्ट नगर अस्पताल बन्ने बाटो खुल्यो

बुटवल।

१५ बेडको नगर अस्पताल सञ्चालनका लागि आवश्यक न्यूनतम जग्गा पूरा गर्न तिलोत्तमामा एक परिवारले १४ कठ्ठा जग्गा नेपाल सरकारको नाममा दिने भएको छ। तिलोत्तमा नगरपालिका–६ र बुटवल उपमहानगर ४ निवासी जीवन वझा, राजेन्द्र वझा र नारायण वझाले आफ्ना स्वर्गीय बुवाहरू गोपाल, अमृत र शम्भुको स्मृतिमा अस्पताल निर्माणका लागि जग्गा उपलब्ध गराउने घोषणा गर्नु भएको हो।