नेपाल इन्जिनियरिङ कलेजका विद्यार्थीहरूलाई साइबर सुरक्षा सचेतना

काठमाडौं- नेपाल इन्जिनियरिङ कलेजमा कम्प्युटर इन्जिनियरिङ विषय लिएर अध्ययनरत विद्यार्थीहरूलाई साइबर सुरक्षा सचेतना दिइएको छ । कलेजको कम्प्युटर इन्जिनियरिङ स्टुडेन्ट सोसाइटीले विज्ञान, प्रविधि तथा नवप्रवर्तन मन्त्रालयको सहयोग तथा वाइवी सलुसन्सको प्रशिक्षण साझेदारीमा कम्प्युटर इन्जिनियरिङका विद्यार्थीहरूलाई साइबर सुरक्षा सचेतना दिएको हो ।

कार्यक्रमका प्रमुख अतिथी पोखरा विश्वविद्यालयका विज्ञान तथा प्रविधि संकायका डिन प्राध्यापक राजेश ठकुराठीले पछिल्लो समय आइटी तथा कम्प्युटर इन्जिनियरिङ गरिरहेका विद्यार्थीहरू जानअन्जानमा साइबर सुरक्षा र साइबर अपराधमा पर्दै गइरहेकोले त्यस्ता घटनाहरू न्यूनीकरण गर्न साइबर सुरक्षा सचेतना अपरिहार्य भएको बताए ।