एनसेलका साढे ५ लाख ग्राहकले फोरजी चल्ने स्मार्टफोन भए पनि लिएका छैनन् फोरजी चल्ने यू-सिम र ई-सिम

काठमाडौं । निजी क्षेत्रको दूरसञ्चार सेवा प्रदायक कम्पनी एनसेलका करिब साढे ५ लाख ग्राहकले फोरजी चल्ने स्मार्टफोन भएर पनि फोरजी सेवा प्रयोग नगरेको पाइएको छ । फोरजी सेवा प्रयोग गर्नका लागि आवश्यक पर्ने यू-सिम वा ई-सिम नलिएका कारण उनीहरू उच्च गतिको इन्टरनेट तथा भ्वाइस सेवाबाट वञ्चित भएका हुन् ।

नेपाल दूरसञ्चार प्राधिकरणको वैशाख २०८३ सम्मको तथ्याङ्क अनुसार, एनसेलका करिब १ करोड ४० लाख भ्वाइस सेवाका ग्राहक रहेका छन् । जसले नेपालको समग्र भ्वाइस टेलिफोनी बजारको ४६.४१ प्रतिशत हिस्सा ओगटेको छ ।