भाइब कोडिङको लहर : साइबर सुरक्षामा कति फरक पार्छ ?

४ भदौ, काठमाडौं । कक्षा ९ मा अध्ययनरत प्रणभ पौडेलले दिदीको जन्मदिनमा एउटा स्टेटिक वेबसाइट उपहार दिए । उनले जन्मदिनका विभिन्न डिजाइनमा दिएको उपहारले दिदीलाई अचम्मित बनायो । भाइले आईटीसम्बन्धी कुनै कोर्स गरेको थाहा नपाएकी दिदीले यसबारे चासो राखिन् ।

काठमाडौं, नारायणटारको मनकामना स्कुलमा पढिरहेका भाइ प्रणभले भाइब कोडिङ गरेका रहेछन् । आफ्नो खाली समयमा अतिरिक्त लगाब प्रविधितिरै लगाउने उनले भाइब कोड गर्न सिकेर सोहीअनुसार आफ्नो बुताले भ्याएसम्मको वेबसाइट बनाएका रहेछन् । सामान्य नै सही, भाइले यसरी नयाँ कुरा सिक्न अतिरिक्त चासो दिएको देख्दा परिवारमा खुसी छायो ।