कांग्रेस: बाटो बिरायो कि बिथोलियो?

मानिसको मन, वचन र कर्म जबसम्म स्पष्ट एवं भ्रमहीन रहन्छ, तबसम्म उसको नियत सफासुग्घर रहन्छ। जब नियत बिग्रन्छ, वचन र काममा भ्रमको कुहिरो लाग्न थाल्छ (सिके प्रसाईंका विचारहरूबाट)।

‘म हिन्दु हुँ ! म हिन्दु हुँ ! म हिन्दु हुँ !’ (चर्को स्वरमा) नेपाली कांग्रेसको इतरपक्षीय भेलामा (२०८३ साउन ३१) पूर्वप्रधानमन्त्री शेरबहादुर देउवाको घोषणा हो यो। पाँचचोटि प्रधानमन्त्री भइसकेका व्यक्तिले अमुक धर्मप्रति आफ्नो पहिचान जोडे। उपस्थित ‘हिन्दुराष्ट्र’ पक्षधरका भनाइ मानेर बोलेको बताए। अचानक पहिलो पटक व्यक्तिगत उपमा दिएर सनातन राष्ट्रको पहिचानको पक्षमा किन उभिए? खुल्दै जाला।