विमानभित्र तातो कफी पोखिएर यात्रु घाइते, कतार एयरवेजले २ करोड ६१ लाख क्षतिपूर्ति तिर्नुपर्ने

काठमाडौं । विमानभित्र यात्रुलाई दिइएको अत्यधिक तातो कफी पोखिएर गम्भीर रूपमा घाइते भएको घटनामा उपभोक्ता अदालतले अन्तर्राष्ट्रिय हवाई सेवा प्रदायक कतार एयरवेजलाई ठूलो आर्थिक दायित्व तोकेको छ।

काठमाडौंस्थित उपभोक्ता अदालतले ललितपुरकी ५२ वर्षीया प्रिती थापालाई २ करोड ६१ लाख ९२ हजार ४०६ रुपैयाँ क्षतिपूर्ति उपलब्ध गराउन कतार एयरवेजलाई आदेश दिएको हो। यो फैसला नेपाली उपभोक्ता अधिकारको क्षेत्रमा अहिलेसम्मकै ठूलो क्षतिपूर्तिमध्येको एक मानिएको छ।