ठुला आयोजना, न्यून प्रगति

कोसी प्रदेश सरकार गौरवका आयोजना कार्यान्वयनमा कमजोर देखिएको छ। संघीय संरचनाअनुसार प्रदेश सरकार स्थापना भएको पनि आठ वर्ष बितिसकेको छ। यस अवधिमा प्रदेश पूर्वाधारतर्फ सरकारले एक अर्ब रुपैयाँमाथिका चार वटा योजना मात्रै सम्पन्न गरेको पूर्वाधार विकास मन्त्रालयले जनाएको छ।

कोसी प्रदेश पूर्वाधार विकास मन्त्रालयका अनुसार सरकारले हालसम्म सम्पन्न गरेका आयोजनामा मोरङको घिनाघाट–विराटचोक सडक, मोरङकै लेटाङ–६ स्थित बुधबारे सडक, तेह्रथुमको सेर्मा–जलजले–भण्डारीडाँडा–इसिबु–सकानीति–आठराई–मेदाप सडक र भोजपुरको तुर्केपुल–झ्याउपोखरी–याङपाङ–फलिदो सडक छन्।