धितो लिलामी मुद्दामा बैंकका अधिकारीमाथि मुद्दा चलाएकोप्रति सिबिफिनको आपत्ति

काठमाडौं- नेपाल इन्भेष्टमेन्ट मेगा बैंकले गरेको धितो लिलामीको नियमित प्रक्रियालाई लिएर बैंकका केही उच्च अधिकारीमाथि मुद्दा दायर गरिएको घटनाप्रति बैंक तथा वित्तीय संस्था परिसंघ नेपाल (सिबिफिन) ले आपत्ति जनाएको छ।

सिबिफिनले प्रेस विज्ञप्ति जारी गर्दै प्रचलित कानुन र बैंकिङ अधिकारको प्रयोग गरी गरिएका व्यावसायिक निर्णयमाथि अनुसन्धान तथा अभियोजन गरिएको भन्दै गम्भीर चिन्ता व्यक्त गरेको हो। परिसंघले यस्ता घटनाले बैंकिङ क्षेत्रमा कानुनी तथा नीतिगत अन्योल सिर्जना गर्ने जनाएको छ।