हिमाल आरोहणपछि फर्किँदा महिला पर्वतारोहीको निधन

पाकिस्तानको काराकोरम पर्वत शृङ्खलामा रहेको सात हजार २७ मिटर अग्लो स्प्यान्टिक हिमालको सफल आरोहणपछि ओर्लने क्रममा पाकिस्तानी महिला पर्वतारोही अस्मा मुश्ताकको मृत्यु भएको छ।

पाकिस्तानको अल्पाइन क्लबका अनुसार आरोहणका क्रममा उनको स्वास्थ्य अवस्था सामान्य नै थियो। तर, हिमालबाट ओर्लने क्रममा करिब ६ हजार ४ सय मिटरको उचाइमा पुग्दा उनलाई गम्भीर स्वास्थ्य समस्या देखापरेको थियो। अल्पाइन क्लबका वरिष्ठ उपाध्यक्ष करार हैदरीले भने, ‘अत्यन्त चुनौतीपूर्ण परिस्थितिमा उनलाई बचाउन गाइडहरूले तत्काल सक्दो प्रयास गरे पनि उनलाई बचाउन सकिएन।’