मधेसमा रासायनिक मल वितरण गरिँदै

धान रोपाइँको मुख्य सिजन सुरु भएसँगै मधेस प्रदेशका किसानलाई सहुलियत दरमा रासायनिक मल उपलब्ध गराउने उद्देश्यले नौ हजार ११० मेट्रिक टन डिएपी र आठ हजार ७३४ मेट्रिक टन युरिया वितरण सुरु गरिएको छ।

नेपाल सरकारको स्वामित्वमा रहेका कृषि सामग्री कम्पनी लिमिटेड र साल्ट ट्रेडिङ कर्पोरेसनमार्फत प्रदेशका आठ जिल्लामा अनुदानको मल आपूर्ति थालिएको हो। स्थानीय तहबाट वितरणसम्बन्धी निर्णयमा ढिलाइ र आवश्यकताको तुलनामा सीमित परिमाण उपलब्ध भएकाले किसानमा मल अभावको चिन्ता भने कायमै छ।