रास्वपा बैठकः मधेसको अधिवेशन नहुनुको कारण पत्ता लगाउन अडिट समिति, संयोजकमा ढकाल

राष्ट्रिय स्वतन्त्र पार्टी (रास्वपा) ले मधेस प्रदेशको महाधिवेशन हुन नसक्नुका कारण पत्ता लगाउन अडिट समिति गठन गरेको छ।

शुक्रबार पार्टी केन्द्रीय कार्यालयमा बसेको केन्द्रीय समिति बैठकले सहमहामन्त्री हरि ढकालको संयोजकत्वमा अडिट समिति गठन गरेको हो। समितिमा मधेस प्रदेशबाहेकका केन्द्रीय सदस्यहरू सदस्य रहनेछन्।