शंखमुलमा युवकको हत्या गरेर भागेका अर्का आरोपी मकवानपुरबाट पक्राउ

काठमाडौँ । काठमाडौँको शंखमुलमा युवकको हत्या गरेर भागेका अर्का एकजना आरोपी पनि पक्राउ परेका छन् । प्रहरीले उनलाई मकवानपुरको भैंसेबाट पक्राउ गरेको हो ।

बाराको कलैया उपमहानगरपालिका–३ घर भएका प्रमित पटेललाई मकवानपुरबाट पक्राउ गरिएको उपत्यका अपराध अनुसन्धान कार्यालयका एसएसपी सन्तोष खड्काले रातोपाटीलाई बताए । शुक्रबार महानगरपालिका वडा नम्बर–१० स्थित शंखमुलमा सञ्चालित भ्याली ब्वाइज होस्टलमा धारिलो हतियार प्रहारबाट २२ वर्षीय बसन्त कालाखेतीको हत्या भएको थियो ।