देउवा समूहले सभापतिको 'नेमप्लेट' दुरुपयोग गरेको भन्दै कांग्रेसको आपत्ति

काठमाडौं : निवर्तमान सभापति शेरबहादुर देउवा समूहले सभापतिको नेमप्लेट र पार्टीको लेटरप्याड दुरुपयोग गरेको भन्दै नेपाली कांग्रेसले आपत्ति जनाएको छ।

शुक्रबार पार्टी कार्यालयमा बसेको केन्द्रीय अनुशासन समितिको बैठकले संस्थापन इतर समूहले सभापतिको नेमप्लेट र पार्टीको लेटरप्याड दुरुपयोग गरेको भन्दै आपत्ति जनाएको हो। कांग्रेस केन्द्रीय अनुशासन समितिका संयोजक तारामान गुरुङले इतर समूहको कार्यालय चुनदेवीमा सभापतिको नेमप्लेट र पार्टीको लेटरप्याड अनाधिकृत रूपमा प्रयोग गरिएको बताए।