पब्जी मोबाइल र नारुटो शिप्पुडेनबीच सहकार्य : भर्सन ४.५ सार्वजनिक हुँदै

काठमाडौं । विश्वप्रसिद्ध मोबाइल गेम ‘पब्जी मोबाइल’ (PUBG MOBILE) ले आफ्नो आगामी भर्सन ४.५ अपडेटमार्फत लोकप्रिय एनिमे फ्रेन्चाइज ‘नारुटो शिप्पुडेन’ (NARUTO SHIPPUDEN) सँग विशेष सहकार्य गर्ने घोषणा गरेको छ ।

आगामी जुलाई ९ देखि उपलब्ध हुने यस अपडेटमार्फत गेमरहरूले नारुटो शिप्पुडेनबाट प्रेरित नयाँ गेमप्ले, विशेष फिचर, रूपान्तरित वातावरण र रोमाञ्चक इन-गेम अनुभव प्राप्त गर्नेछन् । यस सहकार्यसँगै गेमरहरूले पहिलोपटक पब्जी मोबाइलको प्लेटफर्ममा नारुटोको संसारलाई नयाँ र अन्तरक्रियात्मक तरिकाले अनुभव गर्न पाउनेछन् ।