रवि जेलमा हुँदा मिडिया मोर्चामा उभिएका न्यौपाने अब रास्वपाको संगठन सम्हाल्दै

राष्ट्रिय स्वतन्त्र पार्टी (रास्वपा) ले पार्टी संगठन विस्तारको जिम्मेवारी प्रमोद न्यौपानेलाई दिएको छ। शुक्रबार बसेको केन्द्रीय समिति बैठकले न्यौपानेलाई संगठन विभाग प्रमुखमा मनोनित गरेको हो।

पत्रकारिता पृष्ठभूमिबाट राजनीतिमा आएका न्यौपाने पछिल्लो समय रास्वपाभित्र सक्रिय भूमिकामा देखिँदै आएका थिए। विशेषगरी पार्टी सभापति रवि लामिछाने जेलमा रहेका बेला पार्टीको पक्षमा सञ्चारमाध्यममार्फत धारणा निर्माण गर्न तथा राजनीतिक सन्देशलाई जनस्तरसम्म पुर्‍याउन उनले सक्रिय भूमिका निर्वाह गरेका थिए।