हराएकी बालिका खोला किनारमा मृत भेटिइन्

काठमाडौँ- कैलालीमा विद्यालयबाट हराएकी एक बालिका खोला किनारमा मृत फेला परेकी छन्। लम्की चुहा नगरपालिका ४ अमरपुरकी ६ वर्षीया मनिषा बिक बुधबार बिहान खोला किनारमा मृत अवस्थामा फेला परेकी हुन्।

स्थानीय विकास कामीकी छोरी मनिषालाई मंगलबार बिहान ७ बजे घरका सदस्यले लम्की चुहा २ मोतिपुरस्थित जनचेतना आधारभूत विद्यालयमा छाडेका थिए। उनी सोही विद्यालयमा पढ्थिन्। तर उनी बिहान १० बजेपछि बेपत्ता भएकी थिइन्। विद्यालय परिवारले घर परिवारलाई सम्पर्क गरी बुझ्दासमेत मनिषा घर नगएको भन्ने खुलेपछि उनी बेपत्ता भएकोबारे प्रहरीलाई खबर गरिएको थियो।