गाँजा पर्यटनको नयाँ सम्भावना? कानुनी बाटो खुले अर्थतन्त्रसँगै ग्रामीण पर्यटनमा पनि लाभ

काठमाडौं । नेपालमा गाँजाको व्यावसायिक उत्पादन र औषधिजन्य प्रयोगलाई कानुनी दायरामा ल्याउने विषय फेरि चर्चामा आएको छ। अर्थमन्त्री डा. स्वर्णिम वाग्लेले नियन्त्रित रूपमा गाँजा खेती र यसको औषधीय प्रयोग अघि बढाउन सरकार सकारात्मक रहेको बताएका छन्।

राष्ट्रिय सभामा सांसदका प्रश्नको जवाफ दिँदै मन्त्री वाग्लेले विज्ञहरूको अध्ययन र आवश्यक कानुनी व्यवस्थाका आधारमा गाँजाको व्यावसायिक उत्पादनलाई व्यवस्थित गर्न अर्थ मन्त्रालयले सहजीकरण गर्ने प्रतिबद्धता जनाए। यस विषयमा गृह मन्त्रालयसँग समन्वय गरेर प्रक्रिया अघि बढाउने उनको भनाइ छ।