अर्थमन्त्रीले भने, सीमाबाट घरायसी सामान ल्याएका जनतालाई दुःख नदिनू, तस्करप्रति निर्मम हुनू

काठमाडौं- अर्थमन्त्री डा. स्वर्णिम वाग्लेले सीमावर्ती मधेशका सर्वसाधारणलाई घरायसी प्रयोजनका लागि सामान ल्याउँदा दुःख नदिने बताएका छन् । तर संगठित तस्करीविरुद्ध सरकार निर्मम रूपमा प्रस्तुत हुने उनले बताएका छन्।

बिहीबार राष्ट्रिय स्वतन्त्र पार्टी (रास्वपा)को पार्टी मुख्यालय वनस्थलीमा आयोजित ‘नागरिक, नीति र नेतृत्व’ विषयक अन्तर्क्रियामा बोल्दै अर्थमन्त्री वाग्लेले सीमा क्षेत्रमा हुने तस्करी नियन्त्रणसँगै सर्वसाधारणको सहज आवागमन र दैनिक आवश्यकतालाई ध्यान दिन सरकार प्रतिबद्ध रहेको बताए।