गरिमा चौधरीको न्यायका लागि काठमाडौंमा आज पनि प्रदर्शन (तस्वीरहरू)

५ भदौ, काठमाडौं । बारामा बलात्कारपछि हत्या गरिएकी तीन वर्षीया बालिका गरिमा चौधरीको न्यायको माग गर्दै शुक्रबार पनि काठमाडौंमा प्रदर्शन भएको छ । अहिले साँझ काठमाडौंको माइतीघर मण्डलामा युवाहरूले प्रदर्शन गरेका हुन् ।

बाराको जितपुर सिमरा उपमहानगरपालिका–१ की तीन वर्षीया बालिका गरिमा चौधरी साउन ३१ गते घरबाट हराएकी थिइन् । त्यसको तीन दिनपछि भदौ २ गते एक सुनसान घरभित्र उनी मृत फेला परेकी थिइन् ।