सुदूरपश्चिम प्रदेश सरकार विस्तार, नेकपाबाट तीन मन्त्री र दुई राज्यमन्त्री नियुक्त

सुदूरपश्चिम प्रदेश सरकारका मुख्यमन्त्री खगराज भट्टले मन्त्रिमण्डल विस्तार गरेका छन्। प्रदेश सरकारमा मुख्यमन्त्री भट्टले नेकपाका तर्फबाट तीन मन्त्री र दुई राज्यमन्त्री बिहीबार नियुक्त गरेका छन्।

नेकपाको भागमा परेका भौतिक पूर्वाधार विकासमन्त्रीमा ओमप्रकाश भाट ‘सरल’, उद्योग, पर्यटन, वन तथा वातावरणमन्त्रीमा प्रकाश रावल र आन्तरिक मामिलामन्त्रीमा खुशीराम चौधरी नियुक्त भएका छन्। यसअघि यी मन्त्रालयको जिम्मेवारी मुख्यमन्त्री भट्टले आफैँसँग राखेका थिए।