दशरथ रंगशालामा हुने PUBG MOBILE राष्ट्रिय च्याम्पियनसिपमा भायनेट WiFi 6 ले दिनेछ इन्टरनेट सेवा

भायनेट कम्युनिकेसनले नेपालमा आयोजना हुने PUBG MOBILE National Championship (PMNC) Nepal 2026 को आधिकारिक इन्टरनेट पार्टनरका रूपमा सहकार्य गरेको छ। यो सहकार्यसँगै प्रतियोगिताको फाइनलमा भायनेटको WiFi 6 प्रविधिले इन्टरनेट सेवा उपलब्ध गराउनेछ।

PMNC नेपाल २०२६ को फाइनल प्रतियोगिता आगामी अगस्ट २२ र २३ (भदौ ६ र ७) मा काठमाडौंको दशरथ रंगशालास्थित कभर्ड हलमा आयोजना हुँदैछ। प्रतियोगितामा नेपालका उत्कृष्ट PUBG MOBILE टोलीहरू सहभागी हुँदै दक्षिण एसियाली स्तरको प्रतिस्पर्धाका लागि स्थान सुरक्षित गर्ने लक्ष्यसहित प्रतिस्पर्धा गर्नेछन्।