राष्ट्रिय सभामा निदाएको भिडियो भाइरल भएपछि महावीरले भने : म सुतुवा मन्त्री होइन

काठमाडौं – राष्ट्रिय सभाको बैठकमा निदाएको भिडियो सामाजिक सञ्जालमा भाइरल भएपछि विज्ञान, प्रविधि तथा नवप्रवर्तन मन्त्री महावीर पुनले त्यसबारे स्पष्टीकरण दिएका छन् ।

मन्त्री पुनले सामाजिक सञ्जालमार्फत आफू ‘सुतुवा मन्त्री’ नभएको दाबी गर्दै हरेक दिन बिहान ६ बजे उठेर बिहान ७ बजेदेखि राति ११ बजेसम्म मन्त्रालयको कार्यालयमा काम गर्ने बताएका छन्। आफूले अहिलेसम्म कहिल्यै छुट्टी नमनाएको र आगामी दिनमा पनि नमनाउने उनको भनाइ छ ।