कालो सिसावाला गाडीमा रास्वपाका नेताहरूको सयर : कानुन एकातिर, व्यवहार अर्कातिर

काठमाडौँ । राष्ट्रपति र प्रधानमन्त्रीबाहेक अन्यले सवारी साधनमा कालो सिसा प्रयोग गर्न नपाउने कानुनी व्यवस्था छ । सोही व्यवस्था अनुसार केही दिन पहिला गृहमन्त्री सुधन गुरुङ र गृहसचिव राजकुमार श्रेष्ठले चढ्ने सवारी साधनको कालो सिसा हटाइयो ।

कालो सिसा गाडीमा प्रयोग गर्नु गैरकानुनी भएको स्वयम् गृहमन्त्री गुरुङले बताउँदै आएका छन् । यस्तो कार्यलाई निरुत्साहित गर्न आफूले प्रयोग गर्ने गाडीको कालो सिसा समेत हटाउन उनले निर्देशन दिएका थिए । तर सत्तारुढ दल रास्वपाकै धेरै नेताहरूले कालो सिसासहितको गाडी प्रयोग गरिरहेको पाइएको छ ।