इन्धनमा कृत्रिम अभाव सिर्जना गर्नेलाई कारबाही गर्न ज्ञानेन्द्र शाहीकाे माग

काठमाडाैँ । राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानेन्द्र शाहीले पेट्रोलियम पदार्थको मूल्य घटेपछि कृत्रिम अभाव सिर्जना गर्ने तथा इन्धन लुकाएर उपभोक्तालाई सास्ती दिने पेट्रोल पम्पहरूलाई तत्काल कानुनी कारबाहीको दायरामा ल्याउन सरकारसँग माग गरेका छन् ।

सञ्चारमाध्यम तथा सामाजिक सञ्जाल फेसबुकमार्फत् आफ्नो धारणा सार्वजनिक गर्दै नेता शाहीले सरकारले पेट्रोलियम पदार्थको मूल्य घटाएको भोलिपल्ट नै देशका विभिन्न स्थानबाट “पेट्रोल छैन”, “डिजेल छैन” भन्दै बिक्री बन्द गरिएको सूचना प्राप्त भएको बताएका छन् ।