जग्गा नापजाँचपछि झडप, निजी हुन नदिने स्थानीयको घोषणा

भक्तपुरको चाँगुनारायण नगरपालिका–१, नैनडाँडा, सरस्वतीखेल–दुवाकोटस्थित व्यक्तिको नाममा रहेको भनिएको करिब १६ रोपनी जग्गा नापजाँच गर्न पुगेका जग्गाधनी पक्ष र स्थानीयबीच शुक्रबार झडप भएको छ। सयौँको संख्यामा रहेका स्थानीयले दर्जनौँको संख्यामा रहेका जग्गाधनी पक्षका मानिसलाई लखेटेर पठाएका थिए।

झडपपछि सुरक्षाका लागि प्रहरी घटनास्थल पुगेको थियो। प्रहरीले स्थिति नियन्त्रणमा लिए पनि स्थानीयले जग्गाधनी पक्षका केही मानिसलाई कुटपिट गरेका थिए। कुटपिटबाट उनीहरू सामान्य घाइते भएका थिए।