जापानको हाचिजो टापु नजिक ५.५ म्याग्निच्युडको भूकम्प

टोकियोबाट करिब २८० किलोमिटर दक्षिणमा रहेको हाचिजो टापु नजिक प्रारम्भिक ५.५ म्याग्निच्युडको भूकम्प गएको जापानको मौसम विज्ञान निकायले शुक्रबार बताएको छ । यसको कम्पन जापानको राजधानी टोकियोमा पनि महसुस गरिएको थियो ।

यो भूकम्प स्थानीय समयअनुसार राति करिब ९ बजेर ०२ मिनेट जाँदा करिब ६० किलोमिटर गहिराइमा गएको थियो। भूकम्पीय तीव्रता मापन मियाके टापुमा ७ र मिकुरा टापुमा ३ गरिएको जापानको विज्ञान निकायले बताएको छ।