प्रिमियर लिगको नयाँ सिजन शनिबारदेखि सुरु हुँदै, साबिक विजेता आर्सनल र कोभेन्ट्री सिटी भिड्दै

काठमाडौँ । विश्वकै चर्चित फुटबल लिग, ‘इंग्लिस प्रिमियर लिग’ को नयाँ सिजन २०२६/२७० शनिबार बिहानदेखि सुरु हुँदैछ । नेपाली समय अनुसार शनिबार बिहान १२ः४५ बजे हुने उद्घाटन खेलमा साबिक विजेता आर्सनलले आफ्नै मैदान एमिरेट्स स्टेडियममा नवनियुक्त टोली कोभेन्ट्री सिटीलाई स्वागत गर्नेछ ।

आर्सनलका लागि यो सिजन २२ वर्षपछिको ऐतिहासिक चुनौती हो, जहाँ उनीहरू प्रिमियर लिगको उपाधि रक्षा गर्ने अभियानमा हुनेछन् । प्रशिक्षक मिकेल आर्टेटा आर्सनललाई इंग्ल्याण्डको सबैभन्दा शक्तिशाली टोलीका रूपमा स्थापित गर्न चाहन्छन् । अर्कोतर्फ, २५ वर्षपछि शीर्ष डिभिजनमा फर्किएको कोभेन्ट्री सिटीका लागि यो भावनात्मक पुनरागमन हो । चेल्सी र म्यानचेस्टर सिटीका पूर्व मिडफिल्डर फ्रान्क लाम्पार्डको प्रशिक्षणमा कोभेन्ट्रीले प्रिमियर लिगमा आफ्नो यात्रा सुरु गर्दैछ ।