जनमुक्ति सेनादेखि भौतिक पूर्वाधार राज्यमन्त्रीको जिम्मेवारी पाएकी जानकी पौडेल कुँवर

धनगढी । सुदूरपश्चिम प्रदेश सरकार विस्तारसँगै कैलालीकी जानकी पौडेल कुँवरले भौतिक पूर्वाधार विकास राज्यमन्त्रीको जिम्मेवारी पाएकी छन् । शुक्रबार पद तथा गोपनीयताको शपथ लिएसँगै कुँवर प्रदेश सरकारको नयाँ जिम्मेवारीमा पुगेकी हुन् ।

लामो राजनीतिक संघर्ष र संगठनात्मक अनुभवबाट अघि बढेकी कुँवरका लागि प्रदेश सरकारमा राज्यमन्त्रीको जिम्मेवारी पहिलो ठुलो कार्यकारी अवसर हो । भौतिक पूर्वाधार विकासजस्तो महत्त्वपूर्ण मन्त्रालयमा जिम्मेवारी पाएपछि उनले विकास निर्माणलाई गति दिनुका साथै सुशासनलाई प्राथमिकतामा राखेर काम गर्ने प्रतिबद्धता जनाएकी छन् ।