बडीमालिकाप्रति आस्थामय विचरण!

स्नेहमय ममतालु टोल छिमेक श्रद्धाका स्रोत गौरीबहादुर कार्की बन्धु! ‘बडीमालिका’ आफ्ना कृतिसहित निष्ठाछें पाल्नुभएथ्यो। उमेरले नेटो काट्दा छिटै स्वाँफ्वाँ गर्नुपर्दो अनुभूति आर्जिंदै छु, आफैंसित। प्रकृतिका लीलामाथि चल्दोरहेनछ छ्या!

भोलिपल्ट सखारै पाँच बजे उठ्नेबित्तिकै सयनागर छेउकै पढ्ने–लेखे टेबलमाथि ‘बडिमालिका’ पुस्तक देखेँ। टप्प टिपी हरेँ। लेखन एवं प्रस्तुति– गौरीबहादुर कार्की। सरसर्ती दृष्टि दौडाएँ। हिराइका सरसर भेउ पाउनु मात्र। गहिराइ भेटाउन गोटाखोरी चाहिँदो रहेछ, सिकिँदैछु!