शाइनी अब्जेक्ट सिन्ड्रोम : नयाँ राजनीतिक समस्या

सामाजिक सञ्जाल अब राजनीतिलाई प्रभाव पार्ने माध्यम मात्र रहेन, यसले राजनीतिलाई आकार दिने शक्ति नै हासिल गर्न थालेको छ । आज एउटा भिडियो, एउटा अभिव्यक्ति, एउटा विवाद वा एउटा व्यक्तिको डिजिटल उपस्थितिले रातारात राजनीतिक बहसको केन्द्र बदल्न सक्छ ।

भारतीय राजनीतिमा चासो राख्नेहरूका लागि प्रशान्त किशोर अपरिचित नाम होइनन् । सन् २०१४ को लोकसभा निर्वाचनमा उनी नरेन्द्र मोेदीको चुनावी रणनीतिको केन्द्रमा थिए । अहिले बिहारमा उनले आफ्नै दल, जन सुराज पार्टी स्थापना गरेका छन् ।