दोषीलाई कठोर सजाय माग गर्दै ज्ञानेन्द्र शाहीले भने : अब कुनै बालिकाले यस्तो पीडा भोग्न नपरोस्

राष्ट्रिय प्रजातन्त्र पार्टी (राप्रपा)का संसदीय दलका नेता ज्ञानेन्द्र शाहीले तीन वर्षीया बालिकामाथि बलात्कारपछि हत्या भएको घटनाप्रति दुःख व्यक्त गर्दै दोषीलाई कडा सजायको व्यवस्था गर्न सरकारसँग माग गरेका छन्।

शाहीले घटनाले आफूहरू सबैलाई स्तब्ध बनाएको भन्दै यस्ता जघन्य अपराधमा दोषीलाई कठोर सजाय हुने गरी आवश्यक कानुन संशोधन तथा नयाँ कानुनी व्यवस्था निर्माणको प्रक्रिया तत्काल अघि बढाउन सरकारलाई आग्रह गरेका हुन्।