ट्राफिक नियम पाठ्यक्रममा राख्नु, राइड सेयरिङ कानुन शीघ्र

६ भदौ, काठमाडौं । काठमाडौंमा राइड सेयरिङ चालक गणेश नेपालीले महानगर प्रहरीसँगको विवादपछि गरेको आत्मदाहको घटनापछि राइड सेयरिङबारे आवश्यक कानुन बनाउन सरकारमाथि पुनः दबाब बढेको छ ।

घटनापछि गठित छानबिन समितिले सरकारलाई बुझाएको प्रतिवेदनको सिफारिस खण्डमा ट्राफिक नियमलाई विद्यालयस्तरकै पाठ्यक्रममा राख्न र राइड सेयरिङ सम्बन्धी कानुन छिटो निर्माण र कार्यान्वयन गर्न भनिएको छ ।