साइकलमा आँप बेच्ने बहानामा ब्राउन सुगरको कारोबार, एक भारतीय पक्राउ

वीरगन्ज : वीरगन्जको बजारमा साइकलमा आँप बेच्दै गरेका एक भारतीय नागरिक ठूलो परिमाणको लागू औषध ब्राउन सुगर (खैरो हेरोइन) सहित पक्राउ परेका छन् । पक्राउ पर्नेमा भारत बिहार राज्यको बेतिया थानाको गोपालपुर ग्राम पञ्चायतको वडा नम्बर–२ घोघा स्थायी घर भई हाल वीरगन्ज महानगरपालिका–८ मा डेरा भाडामा बस्दै आएका ३० वर्षीय गुड्डु आलम रहेका छन् ।

वीरगन्ज महानगरपालिका–९ स्थित सडकपेटीमा एक भारतीय नागरिकले साइकलमा आँप बेच्दै ब्राउन सुगरपनि बेचिरहेको सूचना प्रहरीलाई प्राप्त भएको थियो । त्यहि सूचनाको आधारमा मंगलबार साँझ वडा प्रहरी कार्यालय विर्ताबाट प्रहरी निरीक्षक बिक्रम सुबेदीको नेतृत्वमा प्रहरी टोली खटिएको थियो ।