बिहारमा अनियन्त्रित बस भीडमा पस्दा पाँच जनाको ज्यान गयो, थप पाँच घाइते

बिहार । भारतको बिहारस्थित पश्चिम चम्पारण जिल्लामा अनियन्त्रित बस भीडमा पस्दा पाँच जनाको मृत्यु भएको छ भने पाँच जना गम्भीर घाइते भएका छन्।

बेतिया–लौरिया मुख्य मार्गअन्तर्गत एनएच–७२७ मा शुक्रबार राति करिब ११ बजे दुर्घटना भएको हो। गोरखपुरबाट बेतियातर्फ जाँदै गरेको तीव्र गतिमा रहेको शाही बस बसवरिया र पराउटोला बीचमा सडक किनारमा छठिहार समारोहका क्रममा आयोजित अर्केस्ट्रा कार्यक्रम हेरिरहेका मानिसहरूको भीडमा पसेको थियो।