कर्रा खोलाले मोटरसाइकल बगायो, चालकले पौडिएर ज्यान जोगाए

मकवानपुरको हेटौंडा उपमहानगरपालिका–१७, हटियास्थित कर्रा खोलामा आएको बाढीले मोटरसाइकल बगाएको छ। मोटरसाइकल चालक भने पौडिएर ज्यान जोगाउन सफल भएका छन्।

जिल्ला प्रहरी कार्यालय मकवानपुरका अनुसार शुक्रबार राति करिब ११ बजे सिवम् सिमेन्ट फ्याक्ट्री जाने कर्रा खोलामा ह्युमपाइप राखेर बनाइएको कल्भर्टबाट बाढी आएको खोलाले हेटौंडाबाट बकैया जाँदै गरेको ना.५१ प ५८४९ नम्बरको २२० सीसीको कालो पल्सर मोटरसाइकल बगाएको हो।