ओखलढुंगाको पलापु खानेपानी आयोजनामा भ्रष्टाचारः तत्कालीन प्रशासकीय अधिकृत र ठेकेदारविरुद्ध मुद्दा

काठमाडौं । अख्तियार दुरुपयोग अनुसन्धान आयोगले ओखलढुङ्गाको चम्पादेवी गाउँपालिकामा सञ्चालित खानेपानी योजनाको बैंक ग्यारेन्टी रकम हिनामिना गरेको अभियोगमा तत्कालीन निमित्त प्रमुख प्रशासकीय अधिकृत र निर्माण व्यवसायी विरुद्ध विशेष अदालत काठमाडौंमा भ्रष्टाचार मुद्दा दायर गरेको छ ।

गाउँपालिकाको वडा नम्बर १ र २ मा सञ्चालित ‘लिखु पलापु लिफ्ट खानेपानी’ आयोजनाको ठेक्का सम्झौता अनुसार काम नगर्ने कम्पनीको बैंक जमानत जफत नगरी सरकारी सम्पत्तिमा हानि नोक्सानी पुर्‍याएको ठहर गर्दै आयोगले सोमबार आरोपपत्र दायर गरेको हो ।