प्रहरीलाई थप ड्रोन उपलब्ध गराउँदै सरकार, एआईमा पनि जोड

सरकारले विपद्पछिको खोज र उद्धार एवं दङ्गा नियन्त्रणसहितका जिम्मेवारी दिएर नेपाल प्रहरी र सशस्त्र प्रहरी बललाई थप मानवरहित हवाई उपकरण 'ड्रोन'हरू उपलब्ध गराउने र त्यससम्बन्धी थप तालिमप्राप्त जनशक्ति तयार पार्न काम गरिरहेको जनाएको छ।

गृह मन्त्रालयको यस आर्थिक वर्षको नीति तथा कार्यक्रममा सीमा नाकाहरूमा अवैध गतिविधि नियन्त्रणका लागि 'ड्रोन' तथा 'नाइटभिजन क्यामरा'हरू प्रयोग गर्ने प्रतिबद्धता जनाइएको छ।