असोजमा सभापति बन्न सबैलाई ढोका खुला छ: विश्वप्रकाश

नेपाली कांग्रेसका उपसभापति विश्वप्रकाश शर्माले पार्टीभित्रको आन्तरिक विवाद अदालतको बाटोबाट नभई पार्टी कार्यालयमै बसेर संवादमार्फत समाधान गर्नुपर्ने बताएका छन्।

शनिबार पार्टीद्वारा आयोजित ‘ग्रिन रन’ कार्यक्रमपछि सञ्चारकर्मीहरूसँग कुरा गर्दै उपसभापति शर्माले संस्थापन इतर पक्षका नेताहरूलाई कानुनी लडाइँ छाडेर वार्ताको टेबुलमा आउन आह्वान गरेका हुन्।