११ हजार बढी लागूऔषधसहित पटके अभियुक्त पक्राउ

पोखरामा ठूलो मात्रामा लागूऔषधसहित एक व्यक्ति पक्राउ परेका छन्। पोखरा महानगरपालिका-१८ अँधेरीकुनाका अनुप छत्कुलीलाई कास्की प्रहरीले एक सय एमजीको टापेन्टाडोल ११ हजार ७ सय ६८ थान चक्कीसहित पक्राउ गरेको हो।

गोप्य सूचनाको आधारमा गएको लागूऔषध नियन्त्रण ब्यूरो शाखा कार्यालय पोखरा र वडा प्रहरी कार्यालय बैदामको संयुक्त प्रहरी टोलीले भदौ ४ गते राति पौने १० बजेको समयमा घर खानतलासी गरी औषधिसहित उनलाई नियन्त्रणमा लिएको कास्की प्रहरीले जनाएको छ।