सिकन्दर राजाले चितवन राइनोजबाट एनपीएल खेल्ने

६ भदौ, काठमाडौं । जिम्बाबेका स्टार अलराउन्डर सिकन्दर राजाले नेपाल प्रिमियर लिग (एनपीएल) को तेस्रो संस्करणमा चितवन राइनोजबाट खेल्ने भएका छन् ।

विश्व क्रिकेटका अनुभवी अलराउन्डर राजा यसअघि पनि नेपालमा खेलिसकेका छन् । उनले सन् २०२१ मा भएको एभरेस्ट प्रिमियर लिग (ईपीएल) मा विराटनगर वारियर्सबाट खेलेका थिए । त्यतिबेला उनी पारस खड्काको कप्तानीमा रहेको विराटनगरको टोलीमा आबद्ध थिए ।