पोल र बसमा मोटरसाइकल ठोक्किँदा एक महिलाको मृत्यु, चालक घाइते

पोखरामा मोटरसाइकल अनियन्त्रित भई पोल र बसमा ठोक्किँदा एक महिलाको मृत्यु भएको छ भने एक जना घाइते भएका छन्।

कास्कीको पोखरा महानगरपालिका-१८ लामागाउँमा ग २० प ६०९४ नम्बरको पल्सर मोटरसाइकल अनियन्त्रित भई सडक छेउको विद्युत् पोलमा ठोक्किएको थियो। पोलमा ठोक्किएपछि सोही मोटरसाइकल पोखराबाट साराङकोटतर्फ जाँदै गरेको ग १ ख ४३३५ नम्बरको बसमा समेत ठोक्किएको प्रहरीले जनाएको छ।