‘कच्चा बदाम’ फेम अञ्जलीलाई सीताको भूमिकामा देखेपछि रिसाएका फ्यानले भने : घोर कलियुग !

‘महाकाव्य श्री रामायण कथा’ फिल्ममा अभिनेत्री अञ्जली अरोराले माता सीताको भूमिका निर्वाह गरेपछि सामाजिक सञ्जालमा आलोचना सुरु भएको छ।

भाइरल भिडियो ‘कच्चा बदाम’ बाट चर्चामा आएकी अरोरालाई यस्तो प्रतिष्ठित भूमिका दिने निर्माताहरूको निर्णयलाई लिएर दर्शकले प्रश्न उठाएका हुन्। निर्माताहरूले हालै सार्वजनिक गरेको करिब ९० सेकेन्डको ट्रेलरमा राम र सीताको विवाह, वनवास, सीता अपहरण र राम सेतु निर्माणको तयारी देखाइएको छ। तर, फ्यान ट्रेलरबाट खासै खुसी देखिएनन्। विशेषगरी फिल्मको कमजोर दृश्य प्रभाव (भीएफएक्स) र कलाकार छनोटलाई लिएर सामाजिक सञ्जालमा ट्रोलिङ गर्न थालिएको हो।